Անվտանգությունն ընդհանուր համակարգ է, որի հիմնական և անբաժանելի մասերից մեկն էլ տնտեսական անվտանգությունն է, որը պետք է տվյալ երկրի բանակին ապահովի ռազմական սպառազինությամբ, գիտելիքով, կրթությամբ և այլն։ Այս մասին Civic.am-ի հետ զրույցում ասաց «Հանրապետություն» կուսակցության ղեկավար Արամ Սարգսյանը։ Նա կարևորեց նաև Հայաստանի էներգետիկ անվտանգությունն ու կախվածության թուլացումը Ռուսաստանի Դաշնությունից։ Սարգսյանը նկատեց՝ Հայաստանը պետք է կառուցի նոր ատոմակայան՝ արևմտյան ներգրավմամբ։

Կարո՞ղ է արդյոք Ռուսաստանը հակազդել Հայաստանի տնտեսության դիվերսիֆիկացմանն ուղղված քայլերին և ինչպե՞ս։ Արամ Սարգսյանի կարծիքով՝ Ռուսաստանը վերջին տարիների ընթացքում այնպես է թուլացել, որ համակերպվում է ցանկացած իրավիճակի հետ՝ միայն նրա համար, որ իր հետ կապված իրավիճակն ավելի չլարվի։

«Հիմա ռուս-ուկրաինական պատերազմով պայմանավորված, ինչպես նաև Պուտինի չփոփոխությամբ՝ ռուսական քաղաքական  ճարտարապետությունը շատ լուրջ ճաքեր ունի, և այդ ճաքերն ընդլայնելու համար պայքարում է ողջ աշխարհը, ու մեր՝ այդ համակարգից դուրս գալը ՌԴ-ին շատ լուրջ պրոբլեմների առաջ է կանգնեցնելու, հետևաբար Ռուսաստանը որևէ բան էլ չի անելու, և ես գտնում եմ, որ սա ամենահարմար պահն է ռուսական բոլոր ազդեցություններից դուրս գալու համար»,- ասաց Արամ Սարգսյանը։

Մանրամասն՝ տեսանյութում

Վովա Հակոբյան